А можа, унутры вы гамафоб? Прайдзіце тэст падсвядомых асацыяцый

время чтения: 2 мин

Бывае, што чалавек вядзе сябе як гамафоб толькі таму, што грамадства заахвочвае да гэтага, у той час калі ў душы з’яўляецца цалкам талерантным. Бывае наадварот. Калі вы хочаце даведацца сваё сапраўднае, а не навязанае асяроддзем, стаўленне да гомасэксуалаў, прайдзіце тэст падсвядомых асацыяцый.

GayPress

Мы прапануем бадай беспамылковы спосаб даведацца, якія настроі сапраўды пануюць у вашай душы: талерантныя або гамафобныя. Гэта тэст, які распрацаваны вучонымі вядучых універсітэтаў свету, у тым ліку Гарвадскага, ён даступны на эстонскай адукацыйнай платформе на рускай мове. Фішка тэсту ў адсутнасці традыцыйных пытанняў і адказаў. Усё залежыць ад вашых асацыяйый і рэакцыі мозгу на пэўныя выявы і вобразы.

Дзе тэставацца?

Клікайце сюды і падрыхтуйцеся да даволі напружанай зарадкі для мозгу. Папярэджваем, каб патрапіць да самога тэста, распрацоўшчыкі папросяць адказаць на некалькі пытнняў пра вашыя погляды, адукацыю, пол, узрост і г.д.

Як гэта працуе?

Псіхолагі лічаць што людзі часта не кажуць тое што думаюць, або таму што яны не хочуць раскрываць свае думкі, або таму што яны проста не могуць гэтага зрабіць.

А можа, унутры вы гамафоб? Прайдзіце тэст падсвядомых асацыяцый

Напрыклад, у адказ на пытанне «Колькі ты паліш?», курэц, які паліць 4 пачакі цыгарэт у дзень, можа адказаць, што 2 таму, што саромеецца. Ці ён можа нічога не адказаць, бо лічыць што паленне — яго асабістая справа. Чалавек не жадае «выдаваць інфармацыю». У іншым выпадку, чалавек можа адказаць, што паліць 2 пачакі толькі таму, што сам жа верыць у гэта. Сам таго не ведаючы, ён падманвае не толькі таго, хто запытваецца, але і сябе.

Адрозненне паміж «не хоча» і «не можа» у тым, што першыя свядома хаваюць інфармацыю, у той час як другія падсвядома хаваюць яе і ад саміх сябе. Тэст падсвядомых асацыяцый дазваляе пераадолець абедзве перашкоды. Ён вызначае схаваныя ацэнкі і адносіны ці забабоны, пра якія людзі не хочуць ці не могуць адкрыта расказаць.