Бацька прымушаў 11-гадовага сына займацца сэксам з мачахай, каб «вылевакаць» ад гомасэксуальнасці
Бацька прымушаў свайго 11-гадовага сына неаднаразова займацца сэксам са сваёй мачахай, каб «вылекаваць» яго ад гомасэксуальнасці.
Рычард Даўлінг прымушаў свайго сына Дэніэла ўдзельнічаць у шматлікіх сэксуальных актах са сваёй партнёркай Анэт Брэйкспір на працягу некалькіх гадоў, у тым ліку ўтрох, калі далучаўся сам бацька.
Паводле Sunday Mirror, на мінулым тыдні больш чым праз два дзесяцігоддзі пасля жорсткага абыходжання 62-гадовы бацька быў асуджаны на пяць гадоў пазбаўлення волі пасля прызнання вінаватым па адным пункце абвінавачвання ў жорсткім абыходжанні з дзіцём і двух пунктах, звязаных з сэксуальнымі злачынствамі з удзелам дзіцяці.
«Усё, чаго я хацеў, гэта каб ён стаў нармальным».
— Рычард Даўлінг пра свайго сына
Дэніэл Даўлінг пачаў распавядаць пасля таго, як яго бацька Рычард Даўлінг і былая мачаха былі заключаныя ў турму (Sunday mirror)
62-гадовая Брэйкспір была прызнаная вінаватай па трох пунктах абвінавачвання ў гвалце і атрымала восем гадоў зняволення за жорсткае абыходжанне з дзіцём больш за 10 разоў у перыяд да таго моманту, пакуль яна і бацька Дэніэля не скончылі свае стасункі ў 1996 годзе.
Рычард Даўлінг хацеў, каб Дэніэль Даўлінг перастаў быць геем
Падчас разгляду справы ў каралеўскім судзе Рэдынга, Даўлінг сказаў, што ён прымушаў свайго сына займацца сэксам з Брэйкспір, браць удзел у сэксуальным акце ўтрох з імі абодвума і глядзець порна дома ў Брэкнэле, Бэркшыр, каб пераканацца, што ён ня будзе геем.
Бацька сказаў, што ён спрабаваў «накіраваць сына ў правільным кірунку, каб той ня быў геем, таму што ён бачыў у сына нейкія схільнасці да гомасэксуальнасці».
Ён дадаў: «Усё, чаго я хацеў, гэта каб ён стаў нармальным».
Суддзя Марыя Лэмб сказала Рычарду Даўлінгу: «Ваша перакручанае пачуццё нармальнага і ненармальнага дазваляла вашай тагачаснай партнёрцы эксплуатаваць пасынка, і не аднаразова, а зноў і зноў.
«Вы не змаглі абараніць сына ад сэксуальнага драпежніцтва чалавека, які абвінавачваецца разам з вамі,» – сказала суддзя Рычарду Даўлінгу: «Шкода незлічоная. Злоўжыванне даверам жахлівае.» (Wiki Commons)
Яна дадала: «Шкода незлічоная. Злоўжыванне даверам жахлівае, і рэальнасць такая, што адзін з вас быў актыўна ўцягнуты ў сэксуальны гвалт, а іншы яму патураў.»
Павярнуўшыся да Брэйкспір, суддзя сказала: «Дзеля ўласнага вычварэнскага сэксуальнага задавальнення вы зацягнулі гэтага хлопчыка ў свет, далёкі ад таго, да чаго яго варта было б далучыць у тыя далікатныя гады».
Сэксуальны гвалт над Дэніэлам Даўлінгам пачаўся падчас дзіцячай гульні
Гвалт пачаўся, калі ўсе трое дома гулялі ў настольную гульню «Расчараванне», і бацька Дэніэла сказаў яму, што яны будуць гуляць у версію на распрананне.
Брэйкспір скончыла гульню цалкам голай, і ў гэты момант, па словах Дэніэля, яму сказалі дакранацца да яе грудзей і цалаваць іх. «Бацька заклікаў мяне гэта рабіць, таму я думаў, што ўсё нармальна.»
«Я думаю, што ў гэты вечар яны правяралі, як я адрэагую, таму што пасля гэтага пачаліся сэксуальныя зносіны,» — сказаў Дэніэл.
У адным з выпадкаў Рычард Даўлінг забраў свайго сына са скаўцкага мерапрыемства, адвёз яго дадому і сказаў, што ён павінен пацалаваць мачаху на ноч.
Дэніэл ўспомніў: «Я ўвайшоў у іх пакой, і яна ляжала голая, прыкаваная да ложка.
«Я пацалаваў яе і хацеў сысці, але яна папрасіла мяне дакрануцца да яе і развязаць ёй руку. У нас быў палавы акт, і бацька прыйшоў і далучыўся».
Яшчэ адзін прыклад гвалту адбыўся, калі бацька прымусіў Дэніэла глядзець порна, перш чым заняцца аральным сэксам з Брэйкспір, ён казаў сыну сыну: «Вось як гэта трэба рабіць.»
«Цяпер ён для мяне мёртвы.»
— Дэніэл Даўлінг пра свайго бацьку
Дэніэл расказаў: «Мы глядзелі порна ў ложку, а потым займаліся сэксам ўтрох. Яна вучыла мяне, што рабіць.
«Часам, калі бацькі не было побач, яна запрашала мяне ў свой пакой для ўцех і сэксу».
Дэніэл Даўлінг ўсё яшчэ траўмаваны
Ахвяра, які з’яўляецца гомасэксуалам, сказаў, што ён застаўся траўмаваным, да такой ступені, што нават ноткі паху духоў Брэйкспір адкрываюць раны дзесяцігадовай даўніны.
«Нешматлікія станоўчыя ўспаміны з майго дзяцінства заплямленыя ўспамінамі аб гвалце», – сказаў Дэніэл, які быў ахвярай іншага педафіла, калі яму было 16 гадоў у Дорсете. Паліцыя знайшла яго аголеныя здымкі ў доме гвалтаўніка.
Пасля беспаспяховай спробы паведаміць аб гвалце з боку бацькі і мачахі ў паліцыю, Дэніэл спрабаваў скончыць жыццё самагубствам.
Праз 17 гадоў пасля яго першай спробы прыцягнуць бацьку і былую партнёрку бацькі да адказнасці, ён таемна запісаў прызнанне бацькі ў гвалце і перадаў доказы ў паліцыю.
Дэніэл распавёў, што не размаўляў з бацькам на працягу двух гадоў, дадаўшы: «Тата кінуў мяне пад аўтобус, замест таго, каб прызнаць сваю віну. Цяпер ён для мяне мёртвы».
